pughetin

mah pare che al Giglio, bruscoli

che si fa? Provo a raccontare il "mio"

PUGHETIN

A ier a Carara, la me Cità, na famiia che a'lavev un minin un pò struv'dat, un bel moret, con un bel muset furb, dò oci neri com 'l carbon. P'r st mod d'esser il ciamavn d sopranom PUGHETIN. La sò mama e 'l so Bà i l' volev un gran ben. I fevn d tut pr dar ai fioli quel chi pot'vn, ma i ern povreti.

La domenca la mama al dizev:

" Ninì tò un suldin. Va fora, pass dala Guindola e comprt un bel pom, i pomi i fan ben! Pò và pur a zocar 'n Piaza D'Arma. Non scordart d far un pass in Cesa p'r na preghierina. Ma a m'arcomand quand al son 'l campanon d'l Dom a mezdì, ven subt a cà che a magnan!"

"Al va ben Mama".

Tra sè e sè, vist che al'er na bela zornata 'nvernale, Pughetin i s'n stè:

( a son stuf d magnar un pom, a me a m piaz i fichi. Mo a ni nè pù. A vai dala Guindola e a compr i fichi sechi) .

Dit e fat i fè cussì!

Pò i pensò:

( I en poghi, se a vai 'n Piaza tuti i m dizn:

"t me n'dà un?"

 me che an son bon a dir d' no...ala fin an'men toc . Sapet cos a fai?...a m'n vai ala Padula. A mont sul piè d fic anch si è strlnchit e a fai finta d magnar i fichi freschi).

Assù svelt, svelt...

Na volta arivat tut content i s n stev li picodon su un ram...quand na vozeta  al fa:

" O Pughetin t m'l but zun un fichin?"

Odio che paura! 'L Lup!

( povr me la me Mama a m'l diz sempr d non vnir chi da me sol.... e mò com a fai?)

'Ntant, tò,'l bel son d'le campane d'l Dom alegramente al salutavn Mez-Dì.

"com a fai a andar a cà mò"

Nel fratemp 'l lup i riptev.

" O Pughetin t m'l but zun 'n fichin? "

" No che an t'l but perchè te t m magn! "

" Ma no, non dar reta ale linguaze, me a son bon!"

'L lup in ne potev pù. A i scapav...la popò. Ma i avev paura che Pugtin i scapass e i avev anch v'rgogna.

Pian pianin i' s mis a farla dret a nà querza...non mancand d t'nir d'occ 'l Ninin!

" O Pughetin tla sent la puza! "

" Si che a la sent..va pun là...va pun là..."

'L lup a ogni 'nvit d Pughetin, i s spostav fin a quand  con un r'tloni i andò a fnir drent 'n foss.

Pughetin, svel svelt, i ses zù dal fic...e gambe mie tocatm 'l cul, 'n quatr e quatrot i fu a cà.

Quand i entrò 'n cà i er tut ross tut sudat e col fiaton. La so Mama al fè:

" O mascalzon a l'è sta chi l'ora d vnir a cà?"

"Perchè..che ora a dè! "

" A lè la doa mascalzon! "

" La doa? ma se ha iò s'ntit mò mò sonar 'l Campanon! Mà a iò fama! "

" A gnè pu nient! Abian magant tut nò! Ma dim un pò. ti sen andat a piar 'l pom o tà comprat qualcò altr? "

" A iò piat i fichi sechi! "

" Ti sen andat 'n Cesa? "

" Si che a i son 'ndat, com siet voialtri, 'n m' credt mai! "

" A si... adora p'rchè 'l pret i'n tà vist?"

" Com i fev a v'derm se a ier 'n fond dret a un  pilon! "

A quel punt il Bà i s 'ntromis:

" Adora t sarà andat anc 'n Piaza d'Arma...e prchè i tò amici 'n tan vist? "

" O babbo prchè i en busardi! Me a ier, ien lor chi ni ern "

A quel punt il Bà i ni la fè pù e i ti det un manon.

" O Mama che mal...a nè vera nien, a son 'ndat ala Padula e a ier 'l Lup..a n riussin pù a vnir a cà! "

E la Mama:

" Bela me ossa chissà che paura che t'à piat! Ven qua che a' t dai un basin! "

" Cos? e ti dà anche un basin! Le Mà a l'en la ruvina di fioli! Te va 'n let fin a doman! "

Pughetin i ebb tant temp p'r fars l'idea che a lè mei dar reta ai sò! E i stett Zitt e Mosca!

Ho scritto questa mia interpretazione di Pughetin, la racconto prima di dormire alle mie piccole. Questo per riprendere il pezzo giornalistico di stamani. I bambini hanno bisogno di favole; già dai 6 mesi di età sono in grado di recepire se non il senso del racconto almeno l'attenzione dell'adulto che si occupa di lui. Quel piccolo o grande "periodo" li avvicina, li abitua ad ascoltare. Pare che quando sono molto piccoli il cervello apprenda facilmente. Dona a loro una marcia in più e da adulti ameranno la lettura. Io ci credo.

********

Gualtiero... se leggi il mio Cararin non svenire! Un Grosso abbraccio e un Bacione!